Prakaraṇa 14

janaka uvāca||14||

prakṛtyā śūnyacitto yaḥ pramādādbhāvabhāvanaḥ|
nidrito bodhita iva kṣīṇasaṃsaraṇo hi saḥ||14|1||
kva dhanāni kva mitrāṇi kva me viṣayadasyavaḥ|
kva śāstraṃ kva ca vijñānaṃ yadā me galitā spṛhā||14|2||
vijñāte sākṣipuruṣe paramātmani ceśvare|
nairāśye bandhamokṣe ca na cintā muktaye mama||14|3||
antarvikalpaśūnyasya bahiḥ svacchandacāriṇaḥ|
bhrāntasyeva daśāstāstāstādṛśā eva jānate||14|4||