saptamo+adhyāyaḥ/
Ca.5.7.1 athātaḥ pannarūpīyamindriyaṃ vyākhyāsyāmaḥ//
Ca.5.7.2 iti ha smāha bhagavānātreyaḥ//
Ca.5.7.3 dṛṣṭyāṃ yasya vijānīyāt
pannarūpāṃ kumārikām/
praticchāyāmayīmakṣṇornainamiccheccikitsitum//
Ca.5.7.4 jyotsnāyāmātape dīpe
salilādarśayorapi/
aṅgeṣu vikṛtā yasya cchāyā &pretastathaiva saḥ//
Ca.5.7.5 chinnā bhinnā++ākulā cchāyā
hīnā vā+apyadhikā+api vā/
naṣṭā tanvī dvidhā cchinnā vikṛtā viśitā ca yā//
Ca.5.7.6 etāścānyāśca yāḥ kāścit
praticchāyā vigarhitāḥ/
sarvā mumūrṣatāṃ jñeyā na cellakṣyanimittajāḥ//
Ca.5.7.7 saṃsthānena pramāṇena varṇena
prabhayā tathā/
chāyā vivartate yasya svastho+api preta eva saḥ//
Ca.5.7.8 saṃsthānamākṛtirjñeyā suṣamā
viṣamā ca sā/
madhyamalpaṃ mahaccoktaṃ pramāṇaṃ trividhaṃ nṛṇām//
Ca.5.7.9 pratipramāṇasaṃsthānā
jalādarśātapādiṣu/
chāyā yā sā praticchāyā cchāyā varṇaprabhāśrayā//
Ca.5.7.10 svādīnāṃ pañca pañcānāṃ chāyā
vividhalakṣaṇāḥ/
nābhasī nirmalā nilā sasnehā saprabheva ca //
Ca.5.7.11 rūkṣā śyāvāruṇā yā tu vāyavī
sā hataprabhā/
viśuddharaktā tvāgneyī dīptābhā darśanapriyā//
Ca.5.7.12 śuddhavaidūryavimalā
susnigdhā cāmbhasī matā/
sthirā &snigdhā ghanā ślakṣṇā śyāmā śvetā ca pārthivī//
Ca.5.7.13 vāyavī garhitā tvāsāṃ
catasraḥ syuḥ &sukhodayāḥ/
vāyavī tu vimāśāyā kleśāya mahate+api vā//
Ca.5.7.14 syāttaijasī prabhā sarvā sā
tu saptavidhā smṛtā/
raktā pītā sitā śyāvā haritā pāṇḍurā+asitā//
Ca.5.7.15 tāsāṃ yāḥ syurvikāsinyaḥ
snigdhāśca vipulāśca yāḥ/
tāḥ śubhā rūkṣamalināḥ &saṃkṣiptāścāśubhodayāḥ//
Ca.5.7.16 varṇamākrāmati cchāyā
&bhāstu varṇaprakāśinī/
āsannā lakṣyate cchāyā bhāḥ &prakṛṣṭā prakāśate//
Ca.5.7.17 nācchāyo nāprabhaḥ
kaścidviśeṣāścihnayanti tu/
nṛṇāṃ śubhāśubhotpattiṃ kāle chāyāprabhāśrayāḥ//
Ca.5.7.18 kāmalā+akṣṇormukhaṃ pūrṇaṃ
śaṅkhayormuktamāṃsatā/
&saṃtrāsaścoṣṇagātratvaṃ yasya taṃ parivarjayet//
Ca.5.7.19 utthāpyamānaḥ śayanāt
pramohaṃ yāti yo naraḥ/
muhurmuhurna saptāhaṃ sa jīvati &vikatthanaḥ//
Ca.5.7.20 saṃsṛṣṭā vyādhayo yasya
pratilomānulomagāḥ/
vyāpannā grahaṇī prāyaḥ so+ardhamāsaṃ na jīvati//
Ca.5.7.21 uparuddhasya rogeṇa
karśitasyālpamaśnataḥ/
bahu mūtrapurīṣaṃ syādyasya taṃ parivarjayet//
Ca.5.7.22 durbalo bahu bhuṅkte yaḥ
&prāgbhuktādannamāturaḥ/
alpamūtrapurīṣaśca yathā pretastathaiva saḥ//
Ca.5.7.23 iṣṭaṃ ca
&guṇasaṃpannamannamaśnāti yo naraḥ/
śaśvacca balavarṇābhyāṃ hīyate na sa jīvati//
Ca.5.7.24 prakūjati praśvasiti śithilaṃ
cātisāryate/
balahīnaḥ pipāsārtaḥ śuṣkāsyo na sa jīvati//
Ca.5.7.25 hrasvaṃ ca yaḥ praśvasiti
vyāviddhaṃ spandate ca yaḥ/
mṛtameva tamātreyo vyācacakṣe punarvasuḥ//
Ca.5.7.26 ūrdhvaṃ ca yaḥ praśvasiti
śleṣmaṇā cābhibhūyate/
hīnavarṇabalāhāro yo naro na sa jīvati//
Ca.5.7.27 ūrdhvāgne nayane yasya
&manye cāratakampane/
balahīnaḥ pipāsārtaḥ śuṣkāsyo na sa jīvati//
Ca.5.7.28 yasya gaṇḍāvupacitau
jvarakāsau ca dāruṇau/
śūlī pradveṣṭi cāpyannaṃ tasmin karma na sidhyati//
Ca.5.7.29 &vyāvṛttamūrdhajihvāsyo
bhruvau yasya ca vicyute/
kaṇṭakaiścācitā jihvā yathā pretastathaiva saḥ//
Ca.5.7.30 śophaścātyarthamutsiktaṃ
niḥsṛtau vṛṣaṇau bhṛśam/
ataścaiva viparyāso vikṛtyā pretalakṣaṇam//
Ca.5.7.31 nicitaṃ yasya māṃsaṃ
&syāttvagasthiṣveva dṛśyate/
kṣīṇasyānaśnatastasya māsamāyuḥ paraṃ bhavet//
Ca.5.7.32 tatra ślokaḥ---
idaṃ liṅgamariṣṭāakhyamanekamabhijajñivān/
āyurvedavidityākhyāṃ labhate kuśalo janaḥ//
ityagniveśakṛte tantre carakapratisaṃskṛte indriyasthāne
pannarūpīyamindriyaṃ nāma saptamo+adhyāyaḥ//7//