Aṣṭāṅgahṛdayasaṃhitā
smṛtyapāyo hyaposmāraḥ sa dhīsattvābhisaṃplavāt||1||
jāyate+abhihate citte cintāśokabhayādibhiḥ||1||
unmādavatprakupitaiścittadehagatairmalaiḥ||2||
hate sattve hṛdi vyāpte saṃjñāvāhiṣu kheṣu ca||2||
tamo viśan mūḍhamatirbībhatsāḥ kurute kriyāḥ||3||
dantān khādan vaman phenaṃ hastau pādau ca vikṣipan||3||
paśyannasanti rūpāṇi praskhalan patati kṣitau||4||
vijihyakṣibhruvo doṣavege+atīte vibudhyate||4||
kālāntareṇa sa punaścaivameva viceṣṭate||5||