Adhyāya 7
Rasaratnasamuccayaṭīkā
svarṇādimayyaḥ kuṇḍyo vartulapātrāṇi // VRrsṬī_7.6;1
Rasaratnasamuccayaṭīkā
kaṭatrāṇi kaṣāyitacarmakhaṇḍāni // VRrsṬī_7.9ab;1
Rasaratnasamuccayaṭīkā
iyaṃ catuṣkoṇā dīrghacālanī // VRrsṬī_7.10;1
tatra dīrghāḥ śalākāstiraścīnāśca vaṃśamayyaś catuṣkoṇakāṣṭhapaṭṭikāchidreṣu bahirnirgatāgrāḥ sūtrabaddhāḥ kāryāḥ // VRrsṬī_7.10;2
Rasaratnasamuccayaṭīkā
kuṇḍalīṃ kuṇḍalākārāṃ vartulāṃ tṛtīyāṃ cālanīṃ vidadhyāt // VRrsṬī_7.13;1
vājivālā aśvapucchakeśāḥ // VRrsṬī_7.13;2
ambaraṃ vastram // VRrsṬī_7.13;3
tadanyatareṇānaddhatalā baddhatalā // VRrsṬī_7.13;4
Rasaratnasamuccayabodhinī
kuṇḍalī cālanyā veṣṭanī // VRrsBo_7.13;1
aratnivistārā prasāritakaniṣṭhāṅgulibaddhamuṣṭihastapramāṇāyatā caturaṅgulavistṛtakarṇikārādivalkalanirmitā aratnivistāraveṣṭanī yuktā chāgacarmamaṇḍitā aśvapucchakeśasūkṣmavastraracitataladeśā sūkṣmataradravyacālanārtham aparavidhā cālanītyarthaḥ // VRrsBo_7.13;2
Rasaratnasamuccayabodhinī
śarkarā vālukā // VRrsBo_7.14a-d;1
Rasaratnasamuccayaṭīkā
śarkarā atikṣudrapāṣāṇaravakāḥ // VRrsṬī_7.14a-d;1
tadapekṣayā sthūlāḥ śvetāḥ kaṇāḥ sitopalāḥ // VRrsṬī_7.14a-d;2
śarkarāśabdena vālukāpi grāhyā // VRrsṬī_7.14a-d;3
Rasaratnasamuccayabodhinī
sitopalā kaṭhinī phulakaḍī iti bhāṣā // VRrsBo_7.14;1
Rasaratnasamuccayaṭīkā
dagdhakāṣṭhakaṭhinakhaṇḍānāmeva śikhitrasaṃjñā kokilasaṃjñā ca // VRrsṬī_7.15;1
saṃprati teṣāṃ sāmānyam avāntarabhedaṃ cāha śikhitrā iti // VRrsṬī_7.15;2
pāvakena vahninā bhuktvā ucchiṣṭāḥ parityaktā aṅgārāḥ śikhitrāḥ kokilāśca matāḥ // VRrsṬī_7.15;3
viśeṣastvittham vahninā bhuktvā svayaṃ tyaktāḥ śikhitrā haṭhāt pratikūlavāyudhūlikṣepamṛttikādinipīḍanādinā yatnena vahnito viyojitā aṅgārāḥ kokilā matā iti ceti // VRrsṬī_7.15;4
te prajvalitā jalena vinā nirvāṇāḥ kṛtā vahnimuktāḥ kṛtāḥ // VRrsṬī_7.15;5
Rasaratnasamuccayabodhinī
śikhitralakṣaṇe kokilā uktāḥ ataḥ kokilāśabdasyārtham āha kokilā iti // VRrsBo_7.16;1
cetitāṅgārāḥ taptāṅgārāḥ payaso vinā svayaṃ nirvāṇāḥ śāntāḥ cet te aṅgārāḥ kokilāḥ matāḥ kokilāḥ kaylā iti bhāṣā // VRrsBo_7.16;2
Rasaratnasamuccayabodhinī
caṣakaṃ pānapātraṃ vāṭī glās iti prasiddham // VRrsBo_7.17;1
Rasaratnasamuccayabodhinī
kṣudraśiprāḥ kṣudrākārāḥ śuktayaḥ // VRrsBo_7.20;1
Rasaratnasamuccayaṭīkā
śaṅkhikāḥ kṣudraśaṅkhamayapātrāṇi // VRrsṬī_7.21ab;1
Rasaratnasamuccayaṭīkā
kṣurakā nāpitasya śastraviśeṣāḥ // VRrsṬī_7.21ab;1
Rasaratnasamuccayaṭīkā
pākyo yavakṣāraḥ // VRrsṬī_7.20;1
Rasaratnasamuccayaṭīkā
pālikā darvī // VRrsṬī_7.21ab;1
Rasaratnasamuccayaṭīkā
karṇikā vilīti mahārāṣṭrabhāṣāyām // VRrsṬī_7.21ab;1
sā cātra vartulākāradantapaṅktiśikharā grāhyā // VRrsṬī_7.21ab;2