vakṣye samprati samyagyad bījaṃ samarase jīrṇam /
piṣṭistambhādividhiṃ prakāśyamānaṃ budhāḥ śṛṇuta // GRht_18.24 //

viśeṣamāha vakṣya ityādi // GRhtCM_18.24:1 //

bho budhāḥ mayā prakāśyamānaṃ sat śṛṇuta sāvadhānā ityadhyāhāryam // GRhtCM_18.24:2 //

tatkiṃ saṃprati yad bījaṃ samarase tupyasūte samyak jīrṇaṃ jāraṇamāpannaṃ tadahaṃ govindanāmā vakṣye kathayāmi // GRhtCM_18.24:3 //

punaḥ piṣṭistambhādividhiṃ piṣṭistambha ādir yasya vidhestaṃ vidhiṃ pāṭakhoṭajapaukākhyaṃ ca vakṣye // GRhtCM_18.24:4 //