śatāṃśavidhi/-vedha (1)

aṣṭānavatirbhāgāstārastveko+api kanakabhāgaḥ syāt /
sūtasyaiko bhāgaḥ śatāṃśavidhireṣa vikhyātaḥ // GRht_18.3 //

vedhavidhānamāha aṣṭānavatir ityādi // GRhtCM_18.3:1 //

eṣa rasadaradetyādiśatāṃśavedhavidhiḥ kathaṃ atra śatāṃśe aṣṭānavatirbhāgāstārasya rūpyasya punariha kanakabhāgaḥ syāt eka eveti punaḥ sūtasya daradādimipitarasasyaiko bhāgaḥ ekāṃśaḥ iti sarve śatāṃśāḥ śatāṃśena vedha iti // GRhtCM_18.3:2 //