sthiradeho+abhyāsavaśātprāpya jñānaṃ guṇāṣṭakopetam /
prāpnoti brahmapadaṃ na punarbhavāvāsaduḥkhena // GRht_1.15 //

adhunā sthiradehasya phapaṃ vyanakti sthiretyādi // GRhtCM_1.15:1 //

pūrvoktasyaiva rasarājasyābhyāsāt sevanāddhetoḥ sthiradehaḥ pumān brahmapadaṃ prāpnoti // GRhtCM_1.15:2 //

brahmapadaṃ paramānandasvarūpam // GRhtCM_1.15:3 //

kiṃkṛtvā jñānaṃ prāpya // GRhtCM_1.15:4 //

kīdṛśaṃ jñānaṃ guṇāṣṭakopetam aṇimādyaṣṭasiddhyupetam // GRhtCM_1.15:5 //

kathaṃ brahmapadaṃ prāpnoti // GRhtCM_1.15:6 //

yathā punaraprathamaṃ bhavāvāsaduḥkhe saṃsāranivāsanatāpatrayātmakakaṣṭe na patatītyarthaḥ // GRhtCM_1.15:7 //

jñānaṃ prāpya brahmapadaṃ prāpnoti // GRhtCM_1.15:8 //

katham ṛte jñānānna muktiriti // GRhtCM_1.15:9 //

anyacca kiṃ mokṣatarorbījaṃ samyagjñānaṃ kriyāsahitam iti praśnottararatnamāpāyām // GRhtCM_1.15:10 //