brahmādayo yajante yasmin divyāṃ tanuṃ samāśritya /
jīvanmuktāścānye kalpāntasthāyino munayaḥ // GRht_1.32 //
adhunā pūrvamataṃ draḍhayati brahmādaya ityādi // GRhtCM_1.32:1 //
yasmin brahmādayo viṣṇurudrendrādayo brahmavido yajante saṃgatiṃ kurvanti samāpnuvantītyarthaḥ yaja devapūjāsaṃgatikaraṇadāneṣu atra saṃgatikaraṇam artho darśitaḥ // GRhtCM_1.32:2 //
kiṃ kṛtvā prāpnuvanti divyāṃ tanuṃ paramāṃ samāśritya samprāpya tebhyo brahmādibhyo 'pyanye apare munayo nāradādayo jīvanmuktā yajante saṃgatiṃ kurvanti // GRhtCM_1.32:3 //
te 'pi kiṃviśiṣṭāḥ kappāntasthāyinaḥ prapayānte'pi tiṣṭhantīti bhāvaḥ // GRhtCM_1.32:4 //
brahmādayas tiṣṭhanta eva // GRhtCM_1.32:5 //