upadeśavidhānamāha tam ityādi /
yenopadeśena gandhābhrakapraveśanaṃ gandhapāṣāṇasaṃyogād yadabhrapraveśena bhavati abhrasya pāradāntaḥpraveśo bhavati tamupadeśamahaṃ kavir vakṣyāmi kathayiṣye // GRhtCM_3.19:1 //
atisāmīpyād vartamāna eva ḷṭ // GRhtCM_3.19:2 //
tu punaḥ // GRhtCM_3.19:3 //
pakṣachinnaśca raso rasarasāyanayor yogyaḥ rase jvarādiroganāśake jvarāṅkuśādau rasāyane ca jarāvyādhināśane prayoge yogyaḥ samarthaḥ // GRhtCM_3.19:4 //
yathā mañjaryām /
mārito dehaśuddhyarthaṃ mūrchito vyādhināśanaḥ /
rasabhasma kvacidroge dehārthe mūrchitaṃ kvacit // GRhtCM_3.19:5 //
baddhaṃ dvābhyāṃ prayuñjīta śāstradṛṣṭena karmaṇā // GRhtCM_3.19:6 //
iti // GRhtCM_3.19:7 //
gandhābhrakapraveśena pakṣachinno 'capo bhaved iti bhāvaḥ // GRhtCM_3.19:8 //