15
विशिष्टविषयत्वेन नानुमानाप्रमाणता ॥
तच्च तस्यानुमानत्वं पक्षधर्मादिसंभवात् ॥
प्राक्प्रतीते च सादृश्ये तदन्यत्र प्रतीतितः ।
गवये तत् प्रतीतं हि गवि व्यवहृतं न किम् ॥
गवा तु नानुमेत्येतत् कस्योपालम्भ उच्यते ।
प्रतिज्ञार्थैकदेशत्वादात्मनो दूषणं परम् ॥
परेणानभ्युपगमात् परस्य तु न दूषणम् ॥
सादृश्यमपि सर्वेण पूर्वं दृष्टं तदन्वयि ।
अवश्यं हि क्वचिद् दृष्टे सादृश्यप्रतिपत्तिमान् ॥
नैयायिकोपमानं तु नानुमानात् पृथक् प्रमा ।
तथाहि तेन संबन्धः साध्यते नाम तद्वतोः ॥