gold:: rañjana (??)
pādādijīrṇasūte lihyāt patrāṇi hemakṛṣṭīnām // GRht_18.57 //
krāmaṇayogena tato vilipya vidhinā nidhāya tulyādhaḥ /
paścāddhemnā sahitaṃ dhmātaṃ mūṣodare samāvartya // GRht_18.58 //
yantraṃ haṇḍyāṃ pakvaṃ pañcamṛdāvāpya puṭapakvam /
pādādijīrṇasūte pādādinā pādārdhasamānadinā jīrṇo yo+asau sūtaḥ tasmin hemakṛṣṭīnāṃ patrāṇi kaluṣakanakānāṃ patrāṇi lihyāt krāmaṇayogena lepayedityāgāmiślokāt // GRhtCM_18.57-58:1 //
taccāha krāmaṇetyādi // GRhtCM_18.57-58:2 //
tato rasalepānantaraṃ krāmaṇayogena kunaṭīmākṣikaviṣam ityādinoktena vilipya tulyādhaḥ tulyaṃ yathā syāttathā adhobhāge nidhāya mūṣodare dhmātaṃ kuryāt // GRhtCM_18.57-58:3 //
punaḥ paścāddhemnā kanakena sahitaṃ āvartya dhmātaṃ kuryāt // GRhtCM_18.57-58:4 //