घ. सम्यग्दृष्टिनैरात्म्यदृष्टिः
मार्गविपर्ययं संसारहेतुमुक्त्वा मार्गमाह (।)
तत्र सत्यचतुष्टय एव म्यग्दृष्टिर्नेरात्म्यदृष्टिः तद्विरुद्धार्थतत्त्वाकारानु
रोधिनी (२७३) तेषां स्थिरसुखाद्याकाराणामविद्यारोपितानां विरुद्धोऽर्थस्तस्य
तत्त्वानि भूता आकारा अनित्या सुखादयः षोडशाकारास्ताननुरोद्धुं शीलं यस्याः सा तथा सुभाविता सादरनिरन्तरदीर्घकालाभ्यासप्रा
प्तवैशद्या हन्ति तृष्णां जन्म- हेतुं सानुचरां मात्सर्यादिपरिवारां ॥
(क) तृष्णाक्षयात् मोक्षः
ननु तृष्णाक्षयेपि कर्मदेहयोर्जन्महेत्वोर्भावात् जन्म किं न भवतीत्याह (।)
त्रिहेतोस्तृष्णाकर्मदेहहेतोर्जन्मनस्तृष्णायाः क्षये कर्मदेहयोः स्थितयोरपि
नोद्भवः उत्पत्तिर्न भवति (२७४) एकाभावात् हेतुसामग्र्यवैकल्यात् । विना
बीजं क्षित्युदकादिभावेपि नाङ्कुरस्योद्भवः ।
a. ननु त्रिहेतोर्जन्मन एकाभावे
पि चेदनुत्पत्तिः तत्किं क520र्म्मणो देहस्य वा
क्षयो नाभ्यस्यते । परे चाहुः कर्मक्षयान्मुक्तिरिति । अत्राह (।)
असम्भवाद्विपक्षस्य न हानिः कर्मदेहयोरस्ति । (२७५) अशक्यत्वाच्च।
सत्यपि वा विपक्षे521 तदभ्यासाद् देहकर्मनिवृत्तिरशक्यक्रिया । तृष्णायां स्थितायां तत्प्रचितस्यात्मग्रहवतो गर्भस्थानपरिग्रहे सति पुनरुद्भवात् देहस्य शरीरिणश्च तृष्णयैव प्रवृत्त्या सर्व्वत्र शुभाशुभप्रवृत्तेश्च (।)
b. एवन्तर्हि तृष्णा कर्म च क्षपयितव्यं मुमुक्षुणेत्याह (।)