तत्र कथोद्धातः—
706स्वेतिवृत्तसमं वाक्यमर्थं वा यत्र सूत्रिणः ॥ ९ ॥
गृहीत्वा प्रविशेत् पात्रं कथोद्धातो द्विधैव सः ।
वाक्यं यथा रत्नावल्याम्—
द्वीपादन्यस्मादपि707
इति ।यौगंधरायणः
वाक्यार्थं यथा वेणीसंहारे—
भीमः
निर्वाणवैरिदहनाः प्रशमादरीणां
नन्दन्तु पाण्डुतनयाः सह केशवेन ।
रक्तप्रसाधितभुवः क्षतविग्रहाश्च
स्वस्था भवन्तु कुरुराजसुताः सभृत्याः ॥708
ततोऽर्थेनाह—
भीमः
लाक्षागृहानलविषान्नसभाप्रवेशैः
प्राणेषु वित्तनिचयेषु च नः प्रहृत्य ।
आकृष्टपाण्डववधूपरिधानकेशाः
स्वस्था भवन्तु मयि जीवति धार्तराष्टाः ॥709
स्वेतिवृत्तसममिति । यत्र पात्रं स्वेतिवृत्तसमं सूत्रधारस्य वाक्यं वाक्यार्थं वा गृहीत्वा प्रविशेत् स कथोद्धातः । स च द्विविध इत्यर्थः । तथैवोदाहरति वाक्यमिति ।