अथाधिबलम्—
अन्योन्यवाक्याधिक्योक्तिः स्पर्धयाधिबलं भवेत् ।
यथा वेणीसंहारे—
अरे, नाहं भवानिव विकत्थनाप्रगल्भः । किंतु—
इत्युपक्रमे
अर्जुनः
सकलरिपुजयाशा यत्र बद्धा सुतैस्ते
तृणमिव परिभूतो यस्य गर्वेण लोकः ।
रणशिरसि निहन्ता तस्य राधासुतस्य
प्रणमति पितरौ वां मध्यमः पाण्डुपुत्रः ॥735
इत्यन्तेन भीमदुर्योधनयोरन्योन्यवाक्यस्याधिक्योक्तिरधिबलम् ।राजा
द्रक्ष्यन्ति न चिरात् सुप्तं बान्धवास्त्वां रणाङ्गणे ।
मद्गदाभिन्नवक्षोऽस्थिवेणिकाभङ्गभीषणम् ॥736