kānta (= cumbaka):: śodhana
tad drutamātraṃ śudhyati kāntaṃ śaśaraktabhāvanayā // GRht_9.10cd //
sasyaka:: śodhana
sasyakamapi raktagaṇaiḥ subhāvitaṃ sneharāgasaṃsiktam /
śudhyati vāraiḥ saptabhirataḥ paraṃ yujyate kārye // GRht_9.11 //
taccāha sasyakamityādi // GRhtCM_9.10-11:1 //
sasyakamapi capapamapi raktagaṇairdāḍimakiṃśukabandhūkādibhiḥ subhāvitaṃ kuryāt // GRhtCM_9.10-11:2 //
kiṃviśiṣṭaṃ sneharāgasaṃsiktaṃ snehaḥ kaṅguṇitumbunyādīnāṃ rāgo raktavarṇadravaḥ tābhyāṃ vahnau taptaṃ sasyakaṃ saṃsiktaṃ secitamiti ghṛtaiḥ saṃsiktaṃ komapaṃ bhāvanāyogyaṃ syāt // GRhtCM_9.10-11:3 //
katibhirvāraiḥ subhāvitaṃ kuryāt saptabhiḥ saptasaṃkhyākaiḥ // GRhtCM_9.10-11:4 //
ataḥ paraṃ kārye bījādike yujyate // GRhtCM_9.10-11:5 //