376

taddravairbhāvayedenaṃ pratyekantu dinatrayam /

pakvaṃ mūṣāgataṃ śuṣkaṃ svedayejjalayantrataḥ // VRs_17.3 //

pāṣāṇabhedī nāmāyaṃ niyuñjītāsya vallayuk /

gopālakarkaṭīdugdhaṃ bhūmyāmalakamūlikā //

kulatthakvāthatoyena piṣṭvā tadanupāyayet // VRs_17.4 //

atha gokṣuraprayogaḥ /-\-

gokṣurasya kaṣāyañca saghṛtaṃ pāyayenniśi // VRs_17.5 //

atha pāṇḍurādiyogaḥ /-\-

pāṇḍuraphalamūlañca bhūmyāmalakamūlikā /

vaṃśasya peṭakāryyāśca mūlaṃ piṣṭvā jalaṃ pivet // VRs_17.6 //

śuklapiṇyākapicchillī-cūrṇamuṣṇena vāriṇā /

piban vimucyate rogānmūtrakṛcchrāt sudāruṇāt // VRs_17.7 //

śatāvarīrase piṣṭā tutthasūtārkapiṣṭikā /

pācitā kaṭutailena mūtrakṛcchre praśasyate // VRs_17.8 //