atha gudapākacikitsā /-\-

gudapāke tu karttavyā pittavraṇaharā kriyā /

pānapralepayoḥ śastaṃ viśeṣeṇa rasāñjanam // VRs_22.150 //

ajādugdhena sammiśrya jīrakāñjanacūrṇakaiḥ /

jātīpatrarasopetaiḥ pūrvaproktarasairapi // VRs_22.151 //

atha mukhapākacikitsā /-\-

mukhapāke mukhaṃ limpedbodhitvagghṛtasāraghaiḥ /

jātīpatrābhayāyaṣṭī-madhudārvyā ca lepayet // VRs_22.152 //

nābhipāke praleptavyaṃ siktaṃ tailena bhūriśaḥ /

rajanīyaṣṭikālodhra-priyaṅgūṇāñca kalkataḥ //

cūrṇenaiṣāṃ satailena nābhipākaṃ śamaṃ nayet // VRs_22.153 //