vallamasyodaye dadyādvacāvyoṣavi.ḍaṅgayuk /

anu deyamajāmūtraṃ tato'rddhaprahare gate // VRs_23.11 //

sārṣape ṣo.ḍaśapale taile tallepitāṃ pacet /

nasyaṃ tailena tenāsya dadyāt savyoṣakeṇa tu // VRs_23.12 //

atha dhustūrapañcāṅgaghṛtam /--

kṛṣṇadhustūrapañcāṅgaṃ kṛṣṇagonavanītakam /

ṣa.ḍguṇaṃ navanītāttu māṣakvāthaṃ caturguṇam // VRs_23.13 //

kṣiptvā pacet ghṛtaṃ tattu pathyaṃ śākodanādiṣu /

śākeṣu kākamācī syādbhojane kṛṣṇagopayaḥ // VRs_23.14 //

atha cūrṇāñjanam /--

śatadhā māricaṃ cūrṇaṃ kuṣmāṇḍīpuṣpabhāvitam /

kuryyāttenaiva cūrṇena rātrāvañjanamācaret // VRs_23.15 //