atha māsika-rasāyanam /--

rasagandhakamadhvājya-śilājatvamlavetasam /

dvimāṣapramitaṃ vegānmāsamātrājjarāṃ jayet // VRs_26.9 //

atha ṣāṇmāsika-rasāyanam /--

viṣṇukrāntāruṇāgasti-kṣīriṇītaṇḍulīyakaiḥ /

rasagandhakayoḥ piṣṭī strīstanyena ca marditā // VRs_26.10 //

yavāstilā ghṛtakṣaudrameṣāmudvarttanaṃ jayet /

kārśyaṃ jarāñca ṣaṇmāsādvidhatte vṛddhimāyuṣaḥ // VRs_26.11 //

śilājatukṣīdravi.ḍaṅgasarpirlohābhayāpāradatāpyabhakṣaḥ /

āpūryyate durbaladehadhātustripañcarātreṇa yathā śaśāṅkaḥ // VRs_26.12 //

hema dhātrīphalaṃ kṣaudraṃ gāyatrīrasabhāvitam /

lihannanu pibet kṣīraṃ dṛṣṭariṣṭo'pi jīvati // VRs_26.13 //