724
iti śrīvaidyapatisiṃhaguptasya sūnorvāgbhaṭācāryyasya kṛtau rasaratnasamuccaye
mṛtalohakalpanirūpaṇaṃ nāmāṣṭaviṃśatitamo'dhyāyaḥ // 28 //
atha dvātriṃśādilohakalpacatuṣṭayam /--
āyuṣkāmaḥ śaṅkhapuṣpyā sametaṃ
medhākāmaḥ kāñcanaṃ sogragandham /
lakṣmīkāmaḥ padmakiñjalkayuktaṃ
khādet kāmaṃ kāmakāmo vidāryyā // VRs_28.102 //
atha rasāyane ṣaṭtriṃśalohakalpaḥ /--
sapadmavījāmalakābhayā'kṣaṃ sarpirmadhubhyāṃ kanakaṃ lihantaḥ /
dīrghāyuṣo mandajaropatāpāḥ sarīsṛpāṇāñca bhavantyagamyāḥ // VRs_28.103 //
atha mṛtalohānāṃ rasatvakathanam /--
mṛtāni lohāni rasībhavanti nighnanti rogān pariśīlitāni /
kiñcopacārasya samagrayogāt puṣyanti dhātūnatidīrghamāyuḥ // VRs_28.104 //