Adhyāya 3, Āhnika 1, Sūtra 57
789na, tadarthabahutvāt // 3.1.57 //
na khalv indriyārthapañcatvāt pañcendriyāṇīti sidhyati/ kasmāt? teṣām arthānāṃ bahutvāt/ bahavaḥ khalv ime indriyārthāḥ, sparśās tāvat śītoṣnānuṣṇāśītā iti/ rūpāṇi śuklaharitādīni/ gandhā iṣṭāniṣṭopekṣaṇīyāḥ/ rasāḥ kaṭukādayaḥ, śabdā varṇātmāno dhvanimātrāś ca bhinnāḥ/ tad yasyendriyārthapañcatvāt pañcendriyāṇi tasyendriyārthabahutvād bahūni indriyāṇi prasajyanta iti//57//